SAÍDA DE FIN DE CURSO DE 1º E 2º

Estándar

As nenas e nenos de 1º e 2º de Primaria visitaron onte o Ecoparque e o Parque dos Sentidos en Marín.

No Ecoparque pasaron unha mañá do máis divertida montando a cabalo e facendo un xogo de pistas os máis pequenos e escalando e tirándose polas “tirolinas” os máis maiores. Xa pola tarde visitaron o Parque dos Sentidos onde despediron a xornada como se merecía: xogando!

As fotos son unha mostra da aventura!

El pase de diapositivas requiere JavaScript.

Anuncios

MAIOS 2019

Estándar

Hoxe cumprimos coa tradición e elaboramos os MAIOS no colexio. Dende primeira hora da mañá puxémonos mans á obra enfiando pampullos, ovos e laranxas e cubrindo de verde o armazón do maio. Para rematar, o alumnado de 6º interpretou as coplas que previamente elaboramos entre todos os cursos.

Desfrutamos moito do día pois foi unha actividade na que participamos toda a comunidade educativa cun obxectivo común: a elaboración do noso maio.

A primavera xa está aquí!

Xornadas deportivas XOGADE

Estándar

Aquí están as fotos da nova xornada deportiva XOGADE!

Alumnado de 5ºA na súa visita ao CEIP PORTONOVO.

O alumnado de 5ºB recibiu ao CEIP San Bartolomeu de Tremoedo pero, debido ás inclemencias meteorolóxicas, a xornada tivo lugar no pavillón de Baltar.

Alumnado de 3ºA na súa visita ao CEIP de PORTONOVO.

Alumnado de 3ºB na súa visita ao CEIP San Roque de Corón.

SAÍDA AO CINE!

Estándar

Como parte do noso proxecto “Un cole de película” non podía faltar a visita ao cine. Nesta ocasión o colexio ao completo desprazouse ata Vilagarcía para ver a nova película de Dumbo dirixida por Tim Burton e tamén para coñecer como funciona a proxección de películas nunha sala de cine.

Para algúns era a primeira vez que ían ao cine, outros emocionáronse coa película e todos e todas desfrutamos moito no que, seguramente, foi un dos momentos do curso.

Novas vivencias e coñecementos relacionados co sétimo arte!

Aquí deixamos unhas fotos que falan por si soas.