Un ano máis, nas aulas traballamos e conmemoramos esta data, que pon de manifesto a importancia da inclusión de persoas con TEA en todos os ámbitos da vida.
Na aula de 5 anos os alumnos deseñaron as pezas dun puzzle que, malia ser pezas diferentes, con traballo en equipo e inclusión real, o puzzle encaixa á perfección:
Actualmente o centro é participante no concurso de recollida de pilas e acumuladores impulsado pola Xunta de Galicia. A semana pasada os alumnos de 6° asistiron ao obradoiro que oferta dito concurso, onde se tratou como facer unha correcta reciclaxe de pilas e acumuladores e o seu impacto no medio ambiente:
Por outra banda, os alumnos de 3° de primaria asistiron a unha actividade realizada polo CIM relacionada coa conmemoración do 8M: as mulleres na ciencia.
Como remate, o equipo de biblioteca do centro anunciou os gañadores do reto fotográfico corazóns, e o equipo de dinamización da lingua galega deu os gañadores do concurso de Receitas para namorar, ambas relacionadas coa celebración de San Valentín. Toda a información sobre estas actividades está no perfil de Instagram @bibliocruceiro e no blog da biblioteca.
Un ano máis, abrimos as portas do noso centro para todas e todos os interesados en coñecer o funcionamento do mesmo os días 20 de febreiro ás 16:30 e 22 de febreiro ás 11:20. Achegádevos!
Tras un festival de Nadal exquisito e unhas merecidas vacacións, comezamos xaneiro con moitas ganas de seguir traballando no noso proxecto Masterchef Cruceiro.
Aproveitamos esta ocasión para agradecervos a asistencia ao festival de Nadal, e a vosa participación no concurso de receitas proposto polo instagram da biblioteca @bibliocruceiro, onde resultou gañadora María de 6ºA:
Con forzas renovadas, comezamos a traballar en novas actividades que subiremos ao blog próximamente. Estade atentos, pronto haberá novidades!
O pasado 14 de Novembro decidíronse os gañadores do concurso de trompos na modalidade de malabarismos, tanto de alumnos coma de profesores, rematando tal evento da mellor forma posible: celebrando o Magosto con castañas asadas e bolos preñados.
Por outra banda, esta semana levamos a cabo distintas actividades para conmemorar o 25 – N: a creación de receitas contra a violencia de xénero, que plasmamos no hall da entrada, e a interpretación da canción “Que nadie calle tu verdad” de Malú e Manu Carrasco, na sala de usos múltiples.
Podedes ver máis contido no instagram da biblioteca, @bibliocruceiro, onde se gardaron en stories destacados os vídeos que se foron subindo durante esta semana (25-N).
Este 31 de outubro celebrouse no recreo a final do concurso de trompos na modalidade de escachar: o obxectivo é conseguir a máxima puntuación durante 10 minutos. Houbo 3 categorías de alumnos e unha de profesores, onde saiu o profe Ricardo como gañador. Próximamente celebrarase a final de malabarismos, con que nos sorprenderán os participantes? Estade atentos ao blog!
Ao remate do concurso de trompos, celebramos o Samaín dun xeito delicioso: Compartindo a receita dunha SOPA DE MEDO, feita paso a paso en cada titoría. Tendes todos os detalles e un vídeo resumo do evento no blog da biblioteca:
O pasado mércores iniciamos o proxecto Masterchef Cruceiro da mellor forma posible: de papatoria! Na aula de usos múltiples agardaba unha merenda moi especial na que degustamos froitas, empanadas e biscoitos. Como recordo, puidemos sacar fotos nun photocall preparado para tal ocasión. Tendes máis detalles deste evento no blog da biblioteca https://bibliotecadocruceiro.blogspot.com/ e no instagram @bibliocruceiro
Con esta merendola demos por inaugurado o proxecto, no que tamén participou a nosa nova auxiliar de conversa Emily, que chegou ao noso centro este mes de outubro e foi agasallada polos estudantes de 4º cun cartel especial de benvida.
A xornada finalizou para o alumnado de 6º cunha ponencia: Relacións afectivo-sexuais sanas para a prevención das violencias machistas, coa educadora social e formadora Lucía, sendo esta unha actividade subvencionada pola Deputación de Pontevedra para o fomento da igualdade de oportunidades e a prevención da violencia de xénero.
En Setembro do ano pasado, iniciamos un novo curso, onde o noso alumnado emprendeu unha viaxe chea de novos proxectos e distintas actividades.
Ao longo desta viaxe, celebráronse distintas conmemoracións, traballouse a horta escolar, fixéronse distintas saídas culturais e animación á lectura,….., e viaxamos a diferentes países, mergullámonos na súas culturas e tradicións grazas ao noso Proxecto de Centro: «Viaxando polo mundo». Mais toda viaxe chega ao seu fin!!!
Despois dun curso de moito esforzo e traballo duro por parte do noso alumnado, chega o momento de relaxarse e disfrutar!!!
Así que,….. aquí remata o período escolar e despedímonos ata o vindeiro curso.
FELICES VACACIÓNS!!!!!
17 de Maio, Día das Letras Galegas. Nesta ocasión adicado a Francisco Fernández del Riego
Para conmemorar o Día das Letras Galegas, levouse a cabo durante toda a semana, unha actividade chamada «A lingua da nosa terra«. Esta actividade desenvolveuse coa participación de todo o alumnado, e consistiu en plantar nas zonas verdes do centro, e con a axuda de Carmen, diversas flores de tempada. Xusto despois da plantación, cada curso leu un breve texto do homenaxeado este ano.
A continuación tedes unha pequena mostra das plantacións dos distintos cursos:
4º, 5º E 6º Educación Infantil
1º e 2º Educación Primaria
3º e 4º Educación Primaria
5º e 6º Educación Primaria
Unha vez iniciado o terceiro e último trimestre do curso, o alumnado dos distintos cursos e coa axuda de Carmen, procederon a plantar os últimos productos deste curso. Estamos a falar nin máis nin menos que de patacas, cebolas, leitugas, pementos morróns e pementos de Padrón, espinacas, remolachas de mesa, tomates, cenorias, amorodos, framboesas,… Ademais, os rapaces fixeron tamén uns carteis para identificar cada un deles dende o momento en que foron plantadas.
Para conmemorar o Día do Libro, leváronse a cabo distintas actividades no centro
Entre elas destacan aquelas nas que os alumnos dos cursos superiores fixeron diversas lecturas para os máis pequenos
Por outra banda, alumnos de Infantil fixeron uns marcapáxinas conmemorando o Día do Libro
E por último, e organizado pola Consellería de Cultura do Concello de Sanxenxo, se levou a cabo unha atividade de animación á lectura, distinada a alumnos desde Infantil ata 4º de Primaria.
Xa entrando no terceiro trimestre, é o momento de intercambiar os libros entre os diferentes grupos do club de lectura, e comezar coa terceira e última lectura.
Dentro das actividades que cada aula leva a cabo, relacionadas co proxecto do Centro «Viaxando polo mundo», a continuación podedes ver un exemplo de cómo están a traballar os nosos alumnos. Neste caso, trátase dos alumnos de 5º de Educación Infantil.
Implicación absoluta! PARABÉNS!!!
DESTINO: EGIPTO
O pasado 14 de abril, e dentro das distintas actividades planificadas para este trimestre, o noso alumnado de Infantil fixo unha saída cultural a Pontevedra, para asistir á representación teatral da obra «FEO».
Tamén no mes de marzo, demos a benvida á unha nova estación: a Primavera. E que mellor para alegrar os corredores do cole, que facelo cos traballos que os nosos alumnos e alumnas realizaron sobre esta época do ano.
EASTER
A finais de marzo, e dende o departamento de Inglés, celebrouse «Easter», e aproveitouse para traballar distintas tradicións sobre esta festa que se levan a cabo nos distintos países de fala inglesa.
Para elo, os nosos alumnos e alumnas comezaron por facer distintas decoracións típicas desta época: elaboraron as súas «Easter baskets», e levaron a cabo a tradicional procura do ovo «Easter hunt». A continuación tedes unha pequena mostra de todo o que os estamos a contar:
ACTIVIDADES CIM
Seguindo coa conmemoración do Día Internacional da Muller, os alumnos e alumnas de 1º curso tiveron unha sesión adicada as mulleres científicas na que, ademais de coñecer a traxectoria de algunhas mulleres referentes no campo da investigación e a ciencia, puideron tamén levar a cabo unha serie de experimentos sinxelos e adaptados a súa idade. A continuación podedes ver algunha das instantaneas tomadas na devandita sesión.
Onte celebrouse o Día Internacional da Muller.
8 de Marzo: día simbólico no que as protagonistas son as mulleres. Mulleres das nosas familias, da nosa contorna ou da nosa sociedade, que co seu exemplo vital dannos unha leción de vida inmellorable.
A todas elas: FELIZ DÍA!!!
A continuación podedes ver unha pequena mostra dos traballos realizados tanto a nivel centro, aula o coa colaboración das familias.
Unha vez máis parte do noso alumnado, neste caso alumnos e alumnas do 2º ciclo, fixeron unha saída cultural a Pontevedra o pasado 2 de marzo, para asistir a unha función teatral
Nesta ocasión a obra que se representou foi: «NAUTILUS: 20.000 LEGUAS DE VIAJE SUBMARINO»
O pasado 23 de Febreiro celebrouse o Día de Rosalía de Castro no noso centro.
Con tal motivo os alumnos de 6º EP, léronnos un poema escollido por eles, no que Rosalía describe como se vivía naquela época, con moitas dificultades e carencias, pero ao mesmo tempo, coa forza suficiente para saír adiante coa vida. Incluso ser quen de escribir poemas tan fermosos como os que Rosalía deixou gravados para sempre.
A continuación podedes ver distintos momentos nos que o noso alumnado procedeu á lectura do poema elixido
«MIÑA CASIÑA, MEU LAR»
CEIP PLURILINGÜE CRUCEIRO 