Teatro

Na última semana do curso, os nenos e nenas de infantil representaron para os compañeiros e compañeiras unha obra de teatro que estiveron preparando ao longo do trimestre.

Se premedes nas seguintes imaxes podedes ver os vídeos.

4 anos: A ratiña da Vilalonga

5 anos A: O gato lambón

5 anos B: A máscara do león

SEMANA DAS LETRAS GALEGAS

Como cada ano desde 1963 celébrase o Día das Letras Galegas co obxectivo de homenaxear a aquelas persoas que destacaron pola defensa da lingua galega e da nosa cultura.

Este 17 de maio estivo adicado a María Victoria Moreno.

María Victoria Moreno foi unha escritora  moi ligada á nosa zona, pois exerceu como mestra no instituto de Vilalonga.

Os nenos e nenas do Cruceiro ademais de investigar e ler obras da homenaxeada, realizaron algúns traballiños que expuxeron nun mural.

Por outra banda, durante todo este trimestre, o equipo de biblioteca, coa axuda do voluntariado preparou un recanto adicado ao teatro, coa intenció de que o alumnado tivese recursos para poder preparar unha obra e represetala nesta Semana das Letras Galegas.

Voluntaria decorando o espazo adicado ao teatro e alumnado de primeiro ensaiado a súa obra na biblioteca.

Durante toda a semana represetáronse as seguintes obras de teatro:

• “Somos felices piratas” (1ºA) e “Sopa verde” (1ºB)

• “Os tres porquiños” (2º A) e “A que sabe a lúa” (2ºB)

• “A árbore que non tiña follas” (3º)

• “Todo é un conto” (4º)

• “Mamasiña que medo” (5º)

• “Restaurante Farruco” (6º)

OLIMPÍADAS MATEMÁTICAS

No ano 2000 decidiuse declarar o día 12 de Maio como o “Día Escolar das Matemáticas”, por iso a semana pasada celebramos no colexio as primeiras “Olimpíadas Matemáticas” con gran exito de participación.

O alumnado que quería participar fixo unha inscrición e quedou encadrado nunha das tres categorías existentes:

– Primeira categoría: 3 anos, 4 anos, 5 anos e primeiro.

– Segunda categoría: segundo e terceiro.

– Terceira categoría: cuarto, quinto e sexto.

 Os participantes tiveron que enfrentarse a diferentes retos que superaron con gran destreza. Había grandes expectativas sobre como serían as probas e descubriron que as matemáticas poden ser moi divertidas, xa que todos gozaron con esta experiencia.

Os nenos e nenas que pasaron á gran final, non só demostraron as súas habilidades lóxico-matemáticas senón que tamén souberon traballar en equipo.

Os gañadores/as das diferentes categorías foron:

PRIMEIRA CATEGORÍA

Alejandra (3 anos), Sofía Rodríguez (4 anos), Lucía Varela (5 anos), Marta (5 anos), Xavi (5 anos), Ainhoa (1º), Iván (1º) e Unai (1º).

SEGUNDA CATEGORÍA

Sergio (2º), Melania (2º), Diego (3º), Xeyla (3º), Luis (3º) e Lucía (3º).

TERCEIRA CATEGORÍA

Yago (4º), Dani (4º), Pedro (5º), Carmelo (5º) e Laura (6º).

Estes tres equipos chegaron á gran final onde tiñan que resolver unhas operacións nas que había números agochados no menor tempo posible.

Conseguírono os nenos e nenas da I Categoría e levaron como agasallo un xogo de inxenio.

Que o disfrutedes e a seguir divertíndovos coas matemáticas!

NORABOA!

Se queredes ver as fotos non deixedes de ver o vídeo premendo na imaxe superior.

CONCURSO-EXPOSICIÓN DE FOTOPOEMAS

Desde a biblioteca convocamos un concurso de foto-poesía no que poderá participar todo o alumnado do centro.

As bases do concurso son as seguintes:

– As/os concursantes deberán presentar unha fotografía acompañada por unha poesía de non máis de cinco versos.

– As obras serán inéditas.

– O prazo de presetnación será ata o 18 de maio. Podedes pegar as vosas obras na cortiza que hai no corredor diante da porta da biblioteca.

– A foto-poesía escollida será enviada a todas as casas e publicada no blog do centro.

Aquí tendes un exemplo de Helena Villar Janeiro. Podedes ver máis no seu twiter:

@villarjaneiro

 

Cabos e sombras

entreteñen o tempo
atando o mar.

 

ANIMÁDEVOS A PARTICIPAR!

 

AMIZADES LECTORAS NO DÍA DO LIBRO

Hoxe, 23 de abril, Día do Libro, o noso patio encheuse de amigos e amigas que compartiron un feixe de lecturas.

A semana pasada os padriños e madriñas lectores/as foron entrevistar aos máis pequenos/a para descubrir os seus intereses e gustos e así poder elixir o libro máis axeitado.

Despois duns días para preparar a lectura escollida , hoxe, puideron compartila no lugar do patio que preferiron.

 

Nalgunhas aulas, ademais da lectura compartida, tamén celebraron o día de hoxe intercambiando os seus libros preferidos.

Por se alguén de vós non lembra o motivo polo que o Día do Libro se celebra o 23 de abril, aquí están os debuxos dos nenos e nenas de 5 anos B que descubriron hoxe a que se debe a escolla desta data: elixiuse por coincidir co día do falecemento de Miguel de Cervantes.

 

FELIZ DÍA DO LIBRO E BOAS LECTURAS! 

PAZ

Ao longo do mes de xaneiro, e principalmente na última semana, na que se celebra o Día Escolar da Paz e non Violencia, os nenos e nenas do Cruceiro estivemos lendo, investigando, comentando, pensando, reflexionando, debatendo…

Así, por exemplo, en 3 anos leron imaxes e diferenciaron entre aquelas nas que había paz e alegría e nas que non. En 4 anos investagaron sobre os xoguetes que tiñan os nenos e nenas que desafortunadamente viven en lugares onde hai guerras e conflictos. E en 5 anos, a partir do libro “Imagine” falaron do que significaba a paz para eles, e aportaron ideas de como contribuír a un ambiente de paz no noso cole e no mundo.

No primeiro ciclo, traballaron a partir dunha noticia sobre transplantes de órganos (pinchade na imaxe para velo), debuxaron o que eles imaxinaban que era a paz a partir do libro “Imagine”, analizaron un anaco do conto “Los tres Bandidos” e sacaron conclusións. 

En 2º a partir de outro libro da biblioteca, afondaron nos sentimentos e emocións.

 

No segundo ciclo analizaron a letra da canción de John Lennon, ilustraron con debuxos moi orixinais o que significa a paz para eles, e ata elixiron a Álvaro como premio Nóbel da Paz  pola súa amabilidade e porque “nunca se mete en líos”.

No terceiro ciclo traballaron en equipo e elaboraron entre 5º e 6º unha gran bola do mundo con mensaxes de paz e propostas para unha sociedade mellor.

O día 31 baixamos ao ximnasio a cantar todos xuntos a canción “Imagine”.

Nos seguintes enlaces podedes ver  as fotos e vídeos.

 

 

 

 

 

 

 

 

 

 

 

 

 

Vilalonga

Os nenos e nenas de 2º  estiveron investigando sobre Vilalonga.

Se queredes saber o que descubriron invitámosvos a ver o seguinte enlace ou ben a pasar pola biblioteca, onde tendes o libro que elaboraron.

Neste trimestre, o alumnado de infantil seguro que ollaremos este libro máis dunha vez, pois tamén estamos investigando Vilalonga ( os nomes dos seus lugares, parques e espazos verdes, servicios como o centro médico ou a biblioteca, etc.)

Hoxe veunos a visitar a tía de Rodrigo (5 anos A), que é historiadora e contounos algunhas cousas do pasado da nosa vila, ensinounos fotos, documentos…

Aprendemos un montón!

Por exemplo, descubrimos que o cruceiro que temos no cole, antes estaba situado nunha rotonda, que no sitio onde hoxe está o parque de Vilalonga antes era o mercado de gando, que no pasado case non había coches pola estrada e por iso nas fotos que vimos non había semáforos nin paso de peóns… Canto cambiou Vilalonga!

Seguiremos investigando e xa vos iremos contando.