Un ano máis participamos na XXIII edición do Concurso Intercentros que este ano se celebrou no CEIP Portonovo.
Noraboa a todos/as por chegar ata aquí e por suposto aos premiados Yago, Brais e Héctor.
Anuncios
Nov29
Archivos Mensuales: noviembre 2016
Nov28
“Aí vén o mes de Nadal, non deixes o millo sen apañar”
O nenos e nenas de infantil fixemos caso ao refraneiro galego e xa temos o millo todo apañado, esfollado e debullado antes do Nadal.
A familia de Raúl (5 anos B) convidounos a participar nas tarefas de recollida do millo nunha das súas leiras próximas á escola.
Foi unha experiencia moi divertida e que dou pé á realización de moitas actividades na aula: esfollamos o millo, debullamos, traballamos os números cos graos de millo, aprendemos vocabulario…
Se pinchades na imaxe podedes ver o vídeo. Esperamos que vos guste!
Nov17
SAÍDA Á CORUÑA
Os nenos e nenas do Cruceiro estamos avanzando moito nas nosas investigacións sobre o mar, as costas, Julio Verne e o seu libro “20.000 leguas de viaxe submarino”.
Para profundizar nas nosas indagacións fixemos unha visita ao Acuarium Finisterrae da Coruña, tamén coñecido como a Casa dos Peixes.
Descendemos ao Nautilus, unha sala sumerxida no mar, que recrea o submarino do capitán Nemo. Tivemos a oportunidade de observar máis de 50 especies diferentes, entre as cales estaba o tiburón Gastón, un tiburón toro que se converteu no centro de todas as miradas.
Aproveitamos tamén para ir ao Domus, un museo interactivo dedicado ao ser humano.
Se clicades na imaxe podedes ver algunhas fotos da saída. Pasámolo moi ben e aprendemos moitas cousas!
Nov17
TROMPOS E MAGOSTO NO CRUCEIRO
Nesta semana celebramos unha das festas máis típicas de Galicia: o Magosto.
Cada mes de novembro a festa do Magosto devólvelle o protagonismo a un dos productos estrela da gastronomía galega antes da chegada da pataca e do millo a nosa terra. Sabedes cal é?
Aquí tendes unha pista, a ver se adiviñades.
SON PEQUENIÑA,
E DE COR MARRÓN.
CANDO CHEGA O OUTONO
MÉTENME NO FOGÓN.
Por suposto, no Magosto que celebramos no colexio non faltaron as castañas asadas e os chourizos con pan. Que bo estaba todo!
CONCURSO DE TROMPOS
Pero non todo vai ser papar. Para espelir o bandullo nada mellor que xogar aos trompos.
No seguinte vídeo podedes ver algunhas imaxes do concurso que se levou a cabo ao longo da semana, e da gran final, celebrada o día do Magosto.
Gracias ao alumnado pola gran participación deste ano e noraboa a tódolos/as premiados/as!
Os finalistas do concurso de trompos do Cruceiro e que polo tanto irán ao concurso intercentros en Portonovo son:
NA MODALIDADE DE ESCACHAR
Mateo, María, Yago e Héctor.
EN MALABARISMOS
Brais, Rodrigo e Pablo
Vaia malabaristas!
Nov8
WE LOVE HALLOWEEN
YES, IT´S GREAT FUN!!!!!
In English we made many different activities: Typical halloween games with apples, Jack o´lanterns, trick or treat all over the school, halloween stories in the library…Look at the photos and enjoy the video!
E MÁIS SAMAÍN…
MONSTROS MARIÑOS
A imaxinación dos nenos e das nenas de segundo non ten límites. Inventaron e debuxaron monstros mariños, puxéronlle nome e logo describíronos.
A ver se recoñecedes aos nenos e nenas de cuarto…
UNHA AULA ARREPIANTE
AUUUUU…QUE MEDO!
Nov2
SAMAÍN EN INFANTIL
No seguinte vídeo podedes ver un resumo das actividades que realizamos en infantil durante a semana do Samaín: obradoiro de monstros mariños, de decoración de cabazas, de cociña, lectura de contos de medo e baile de disfraces de persoaxes arrepiantes do fondo do mar.
Pasámolo de medo!
Queremos agradecer ás familias a súa participación nos diferentes obradoiros.
