Rematando o curso con ritmo

Ao longo do trimestre os especialistas de Educación Física, Iván e Paula, prepararon  unha coreografía para representar o día de fin de curso.

No seguinte vídeo podedes ver imaxes da xornada.

• 3 e 4 anos: Viaja con nosotros

• 5 anos: O rock do cárcere

• 1º: Cuéntame un cuento

• 2º: Madre tierra

• 3º: A quien le importa

• 4º: Yo contigo, tu conmigo

• 5º: Born to be alive

• 6º: I´m so excited

Por último, os artistas do colexio organizáronse  e prepararon voluntariamente coreografías do máis orixinais que se representaron no ximnasio.

Foi un día moi divertido e emotivo.

 

Teatro

Na última semana do curso, os nenos e nenas de infantil representaron para os compañeiros e compañeiras unha obra de teatro que estiveron preparando ao longo do trimestre.

Se premedes nas seguintes imaxes podedes ver os vídeos.

4 anos: A ratiña da Vilalonga

5 anos A: O gato lambón

5 anos B: A máscara do león

Que rica leituga

Sabedes que a leituga é un alimento rico en calcio e fósforo que nos axuda a ter uns ósos sans e fortes?

Os nenos e nenas de infantil sabémolo ben, por iso decidimos cultivar as nosas propias leitugas totalmente ecolóxicas.

Coidámolas con moito mimo e cando eran grandiñas levámolas á casa para compartilas coa nosa familia.

Elaboramos un libro de receitas que podedes ver na biblioteca do cole.

Bo proveito!

Roteiro por Vilalonga

Para rematar o proxecto  «Vilalonga: o lugar onde vivo» os nenos e nenas de 3º  de primaria fixeron un roteiro histórico-artístico por Vilalonga.

Visitaron o Pazo dos Pardo, o Pazo do Revel, a igrexa de San Pedro de Vilalonga, as tumbas antropomorfas da época medieval, a capela de San Tomé, a casa do escultor Alfonso Vilar e disfrutaron das belas paisaxes que temos na zona.

No seguinte enlace podedes ver a revista que realizaron.

Revista Vilalonga

Cóntame en inglés

Os nenos e nenas de 5 anos inventaron uns contos moi divertidos en inglés.

Se queredes velos premede nos seguintes enlaces.

 

Peter, the Vet

 

Carlota y su cat Micus

 

ENJOY!

Saídas de fin de curso (Primaria)

Os nenos e nenas de primaria saben que non só se aprende no cole. Unha forma moi divertida de aprender é saíndo ao contorno próximo, ou non tan próximo, a coñecer mundo e vivir experiencias inesquecibles cos compañeiros/as e mestres.

O alumnado do primeiro ciclo visitou os Muíños de Barosa, un entorno natural privilexiado do que gozaron ao mesmo tempo que aprenderon a facer pan e viron de primeira man o interior dun muíño e o seu funcionamento.

Os do segundo ciclo foron ao Museo Arqueolóxico de Santa Tegra e pasearon polo castro imaxinando como era a vida dos habitantes deste lugar. Aínda que o tempo non os acompañou e tiveron que modificar algúns plans, como a visita á Carabela Pinta en Baiona, aprenderon moitas cousas e pasaron un día estupendo na compañía de amigos e amigas.

Os alumnos e alumnas de 5º desprazáronse ata Lalín,  pasaron 3 días en Mouriscade. Aínda que tamén a choiva se apuntou, non lles impediu gozar dunha andaina pola zona e de tempo de convivencia entre eles.

Por último, os maiores do cole, como cada ano, viaxaron a Madrid. Unha excursión memorable na que se aprende moitísimo e que quedará na súa memoria para o resto das súas vidas.

Premede na seguinte fotografía para ver algunhas imaxes de todas estas saídas.

 

 

Saída a Santiago de Compostela

O pasado martes 12 de xuño os nenos e nenas de infantil foron  de excrusión a Santiago de Compostela.

Pola mañá visitaron o MUPEGA (Museo Pedagóxico de Galicia) onde aprenderon como eran as escolas e os xoguetes de antes . Logo visitaron a catedral, xantaron na alameda e por último xogaron no parque.

Encantoulles pasear polas rúas da cidade, molláronse na fonte dos cabalos, escoitaron as badaladas da Torre do Reloxo da catedral (tamén chamada Berenguela), sacaron fotos coa estatua das «Dúas en punto», percorreron o «Paseo dos Leóns», e ata se arrancaron coa poesía «Adiós ríos, adiós fontes» diante da estatua de Rosalía de Castro.

Andiveron como auténticos peregrinos e peregrinas, a aínda que se cansaron un pouquiño, pasárono xenial!

Se queredes ver algunhas imaxes da xornada premede na imaxe.

Visita dos nenos e nenas da Escola Infantil do Revel

Hoxe recibimos a visita dalgúns dos futuros alumnos e alumnas do Ceip Plurilingüe Cruceiro.

Desde a Escola Infantil do Revel viñeron a coñecer o que será o seu cole para o ano: visitaron as aulas e escoitaron un conto na biblioteca.

Os irmáns/primos/veciños  maiores exerceron de anfitrións e ensinaron orgullosos e orgullosas o seu cole aos máis pequenos/as.

De seguro que en setembro estes nenos e nenas veñen encantados á escola.