Na última semana comezou un novo taller baixo o epígrafe de «Educación afectivo-sexual». Este taller vai dirixido ao alumnado de 5º e consta de 4 sesións. A primeira charla que se levou a cabo foi sobre «Os roles de xénero».
Neste primeiro trimestre, e dentro do Plan Director, estanse a impartir unha serie de charlas informativas dirixidas ao alumnado de 5º e 6º, sobre distintas temáticas de gran interese e actualidade como: a utitlización das novas tecnoloxías, o acoso escolar, a violencia de xénero, drogas e alcohol, etc. Estas charlas son impartidas por persoal experto do corpo da Garda Civil, e que nestas dúas sesións, trataron o tema do acoso escolar así como a violencia de xénero.
Pouco despois de comezar o curso, dámoslle a BENVIDA a nosa nova Auxiliar de Conversa, Cara.
A súa presencia nas aulas, facilítanos un recurso clave para mellorar as competencias comunicativas do noso alumnado na lingua estranxeira. Esperamos que a súa estancia entre nós sexa do máis fructífera para todos.
BENVIDA CARA
CEIP PLURILINGÜE CRUCEIRO 