Archivo de la categoría: Uncategorized

DE NOVO NO COLE

Estándar

Novo trimestre, e novos acontecementos e celebracións. Xa estamos de volta e listos para arrancar este novo ano 2023 con moitas ganas de facer cousas novas. Pero que mellor forma de comezar o ano, que seguindo unha alimentación saudable. Mirade que verduras saíron do noso Horto: brocoli, coliflor, repolos…….

Pois xa sabedes!!!!…..Se forte queres estar, verduras debes tomar!!!!

DECEMBRO

Estándar

A continuación mostramos un pequeno resumo do acontecido no mes de Decembro:

Adornos Nadal:

Como tódolos anos, comezamos o mes adornando o cole cos adornos navideños para crear certo ambiente. Aquí tedes unha pequena mostra :

Casting Presentadores / Presentadoras:

Con vistas ao Festival de Nadal, levouse a cabo un «casting» para elexir aos presentadores e presentadoras que ían introducir as distintas actuacións do Festival. Todos os e as participantes no casting demostraron ter unhas dotes especiais para desenvolver o seu cometido. Enhoraboa a todos e todas!.

Unha vez feito o casting, chegou o momento dos ensaios. Ensaios a os que todos acudiron, demostrando unha vez máis a súa predisposición e responsabilidade para levar a cabo a súa tarefa.

Invitacións Nadal:

E que mellor forma de animar ás familias para que asistan ao Festival de Nadal, que enviarlles unha invitación dos alumnos e alumnas. Aquí tedes unha mostra das mesmas:

Festival de Nadal:

Unha pequena mostra das distintas actuacións do Festival. Festival co que se da por rematado o primeiro trimestre e da comenzo ás vacacións de Nadal.

25 N: Día Internacional contra la Violencia de Género

Estándar

Co motivo da celebración do 25N, dende o centro o Cruceiro, convócase o «I Concurso de Relatos Curtos» aberto a toda a comunidade educativa

Na seguinte imaxe podedes ver as Bases do Concurso, onde se explica o tema a tratar, as distintas categorías de participación, a data límite de entrega dos relatos, así como o lugar onde podedes entregar os mesmos

ANIMÁDEVOS A PARTICIPAR!!!!!

MAGOSTO

Estándar

O pasado 8 de Novembro, celebrouse no colexio o Magosto. E aínda que o tempo revelouse un pouquiño, puidemos disfrutar dun día ben divertido. Celebramos as finais dos concursos de trompos «Malabarismos e a Escachar», fixemos a entrega de premios, e por suposto, disfrutamos das castañas, dos bolos preñaos, e da música e dos xogos. Aquí tedes unha pequena mostra dos rapaces disfrutando do día.

VIAXANDO POLO MUNDO

Estándar

Este é o nome do novo proxecto do centro que foi presentado o pasado 4 de Novembro.

Ao chegar ao centro, na primeira hora, o alumnado foi recibido pola «tripulación» que dirixe esta viaxe, e recibiron un pasaporte que irán completando a medida que o proxecto se desenvolva. Máis tarde, ao longo da mañá, os alumnos e alumnas foron baixando ata o hall da entrada e recoller unha «maleta viaxeira», onde haberá distintos recursos e materiais relacionados co proxecto, a medida que este vaia desenvolvéndose. Aquí tedes unha pequena mostra do que vos contamos.

BUXAINAS

Estándar

Nestas últimas semanas, asistimos no cole Cruceiro a unha exhibición de baile de trompos, na que o noso alumnado mostrou unha vez máis a súa grande habilidade coas buxainas.

Organizouse un concurso con dúas modalidades: malabarismos e a escachar, e dentro destas, distintas categorías segundo os distintos niveis que participaban.

Tras varias xornadas de concurso, celebrouse a gran final o pasado 8 de Novembro.

A continuación podedes ver unha pequena selección de fotos do devandito concurso

SAMAÍN

Estándar

O pasado día 28 de Outubro celebrouse a festa de Samaín. Estivemos na sala de usos múltiples onde os rapaces e rapazas levaron a cabo os seus «Conxuros», a cal máis orixinal e divertido. De ahí xa saímos fora onde poidemos disfrutar dunha gran festa cos alumnos disfrazados e trouleando polo patio, con xogos, música e pasandoo ben, que é do que se trataba. Aquí tedes unha pequena selección de fotos.

PLAN DIRECTOR: CHARLAS INFORMATIVAS

Estándar

Neste primeiro trimestre, e dentro do Plan Director, estanse a impartir unha serie de charlas informativas dirixidas ao alumnado de 5º e 6º, sobre distintas temáticas de gran interese e actualidade como: a utitlización das novas tecnoloxías, o acoso escolar, a violencia de xénero, drogas e alcohol, etc. Estas charlas son impartidas por persoal experto do corpo da Garda Civil, e que nestas dúas sesións, trataron o tema do acoso escolar así como a violencia de xénero.

HORTO ESCOLAR

Estándar

Co inicio do curso escolar, arrancan tamén distintos proxectos e actividades a desenvolver ao longo de todo o ano. Entre eles, e coa participación do noso alumnado, póñese en marcha o NOVO HORTO ESCOLAR. Aquí tedes unha pequena mostra, neste caso cos alumnos de 5º

AUXILIAR DE CONVERSA

Estándar

Pouco despois de comezar o curso, dámoslle a BENVIDA a nosa nova Auxiliar de Conversa, Cara.

A súa presencia nas aulas, facilítanos un recurso clave para mellorar as competencias comunicativas do noso alumnado na lingua estranxeira. Esperamos que a súa estancia entre nós sexa do máis fructífera para todos.

BENVIDA CARA

Graduación 6º Educación Infantil e excursión á Coruña

Estándar

Acaba o curso e chega o momento das despedidas. O alumnado de 6º de Educación Infantil finaliza unha etapa educativa e celebrárono con grande entusiasmo acompañados polos alumnos e alumnas de sexto de Educación Primaria como ben podedes ver no seguinte video:

Ademais, despois de moito tempo agardando este curso tamén puideron realizar a tan desexada excursión á Coruña, onde desfrutaron dunha xornada ben diferente e chea de emoción:

Unha xornada de surf

Estándar

Como actividade de fin de curso os nenos e nenas de 3º, 4º e 5º de Educación Primaria tiveron a oportunidade de aprender unhas nocións básicas de surf na praia da Lanzada.

Malia que o tempo parecía que non ía acompañar e as familias estaban algo preocupadas polo frío, os cativos pasáronno en grande como ben podedes ver na seguinte presentación de fotos:

Visita ao museo

Estándar

O venres 10 de xuño o alumnado de 6º de Educación Primaria realizou unha visita cultural ao museo de Pontevedra. Ademáis de percorrer as diferentes salas realizaron unha actividade moi entretida e dinámica que consistiu en facer unha viaxe pola Prehistoria. Aquí vós deixamos unhas fotos que mostran o ben que lles foi a xornada.

Saída fin de curso 1º e 2º

Estándar

Este martes 7 de xuño os nenos e nenas de 1º e 2º de Educación Primaria foron de excursión ao Ecoparque en Marín. Trátase dun parque multiaventura onde tiveron ocasión de realizar diversas prácticas deportivas en pleno contacto coa natureza. Desfrutaron de diferentes xogos, círcuitos, actividades de tirolina e ata se atreveron a montar a cabalo. Aquí tedes unha pequena mostra do ben que o pasaron!