Visita ao Centro de día de Sanxenxo

Estándar

O pasado venres 9 de xuño as nenas e nenos de educación infantil fomos de visita ao Centro de Día de Sanxenxo.

Alí, cantamos todos xuntos as cantigas tradicionais galegas que representamos o pasado venres no cole: “Ven bailar Carmiña”, “A saia da Carolina” e “Na beira do mar” .

Os usuarios do Centro de Día tamén nos sorprenderon cantando “Amodiño”, unha versión en galego da famosa canción de Luis Fonsi, “Despacito”.

Foi unha xornda moi especial e emotiva, no que algúns alumnos e alumnas tiveron a oportunidade de pasar un anaco cos avos/avoas/bisavós/bisavoas e cos seus compañeiros/as da “escola de maiores” como lle chaman eles.

Gustounos tanto a experiencia, que estamos decididos/as a volver no vindeiro curso.

Ata pronto!

IMG_3510

Premede para ver algunhas imaxes da xornada

IMG_3507

Preme na imaxe para ver o vídeo da canción “Amodiño”

EDDLG principal

Cantigas tradicionais galegas

Estándar

O pasado venres 9 de xuño tocoulle ao alumnado de primeiro, segundo e terceiro entonar algunha das cantigas tradicionais máis coñecidas para gozar, xunto cos compañeiros/as da escola e familias, da música tradicional galega.

Premede nas imaxes para ver os vídeos.

 

A RIANXEIRA

rianxeira

 

O GALO CANTA

el-gallo-canta-el-pollo-21759593

 

EU QUERIAME CASARE

novia_oscuro_haired_del_dibujo_animado_con_el_ramo_pegatina-ra58d002946a2459c9593648ddfb26d36_v9waf_8byvr_512

EDDLG principal

Xornada na praia da Lanzada

Estándar

Como cada ano a final de curso e iniciándonos xa en actividades propias do verán, realizamos unha saída á praia da Lanzada. O verán é tempo de praia, xogos ao aire libre e deporte.

Con esta actividade preténdese que os nenos e nenas descubran e valoren o espacio natural da contorna, gocen co deporte e aprendan a alimentarse de maneira equilibrada.

Para iso o plan para este día tan especial foi o seguinte:

1. Roteiro ata a praia da Lanzada en bicicleta (2º e 3º ciclo) e andando (1º ciclo)

2. Participar no proceso de elaboración dun menú saudable. Este ano foi o seguinte: de primeiro ensalada de garabanzos, de segundo “guiso de Carmen” e de postre, iogur con amorodos. As nenas e nenos colaboraron cortando leituga, debullando chícharos, poñendo a mesa…e por suposto axudando a recoller ao finalizar o xantar.

3. Participar nos xogos na praia como carreira de sacos, a corda…

4. Merendamos froita fresca.

5. Tempo para o baño.

6. Xantar.

7. Tempo libre.

PASÁMOLO MOI BEN!

IMG_3303

Preme na imaxe para ver as fotos.

Cantigas tradicionais galegas

Estándar

O venres 2 de xuño comezamos unha actividade que se repetirá cada venres deste mes e que consiste en cantar no patio do colexio cantigas tradicionais galegas aos nosos compañeiros/as e ás familias que queiran acompañarnos.

Os primeiros en actuar foron os nenos e nenas de educación infantil coas cantigas: Ven bailar Carmiña (3 anos), A saia da Carolina (4 anos) e Na beira do mar (5 anos).

O vindeiro venres irán a cantarlle estas cancións aos usuarios do Centro de Día de Portonovo, quen nos facilitaron os títulos e letras das cancións tradicionais galegas que máis lles gustaban.

Premede nas imaxes para ver os vídeos. Esperamos que vos gusten e que cantedes con nós.

 

1

3 anos

 

2

4 anos

letras-galegas-2015-6-638

5 anos

As nenas e nenos do primeiro ciclo cantarán o próximo venres  9 de xuño.

Estades todos/as convidados/as!

EDDLG principal

De excursión!

Estándar

O día 30 de xuño quedou o cole case baleiro.

As nenas e nenos de infantil foron de excursión a Vigo a visitar o Museo do Mar, xantaron na praia de Samil e foron ver a estatua de Julio Verne, personaxe que estiveron investigando ao longo do curso.

1

Os nenos e nenas do primeiro ciclo visitaron o castelo de Sobroso e  Mondariz.

castelovillasobroso

Os do segundo ciclo viaxaron ata a Casa Grande de Xanceda e logo visitaron o MUPEGA (Museo Pedagóxico de Galicia)

2ciclo.jpg

 

Preme nas imaxes para ver os vídeos

sinatura nova

Días das Letras Galegas

Estándar

O día das Letras Galegas é unha celebración para homenaxear a aquelas persoas que destacaron pola súa creación literaria en galego e pola súa defensa da lingua.

A data da celebración, o 17 de maio, débese a que en tal día coma ése, en 1863 publicouse Cantares gallegos, de Rosalía de Castro.

O pasado venres 19 de maio celebrámolo no cole.

 Cada curso preparou algo relacionado con algunha das obras de Carlos Casares, escritor homenaxeado este ano.

carlos casares

Vídeo coa semblanza de Carlos Casares (2º)

2

As nenas e nenos de 5 anos inventaron o “Poema a unha galiña diferente” que ilustraron con teatro de sombras. Os de primeiro ensináronnos un vídeo lendo “A galiña azul”  e os de 3º representaron con títeres “As laranxas máis laranxas de tódalas laranxas”.

O alumnado de 4º de primaria representou a obra de teatro

“A galiña azul”.

 

agaliñaazul

Preme na imaxe para ver a obra

 

Os nenos e nenas de 6º crearon unha animación de “Lolo anda en bicicleta”

lolo bici

Preme para ver o vídeo

Tampouco faltou a música: as nenas e nenos de 3  anos cantaron a canción “Unha vella tiña un can”, os/as de 4 “Dime que fixeches”, o alumnado de 3º  bailou a canción “A laranxa e o limón”,  os de 5º interpretaron un cantar de cego a partir da obra “Toribio e o contador de contos”.

Por último, os/as frautistas de 6º  interpretaron o Himno Galego, pechando así a conmemoración deste día.

EDDLG principal