Visita ao Centro de día de Sanxenxo

O pasado venres 9 de xuño as nenas e nenos de educación infantil fomos de visita ao Centro de Día de Sanxenxo.

Alí, cantamos todos xuntos as cantigas tradicionais galegas que representamos o pasado venres no cole: “Ven bailar Carmiña”, “A saia da Carolina” e “Na beira do mar” .

Os usuarios do Centro de Día tamén nos sorprenderon cantando “Amodiño”, unha versión en galego da famosa canción de Luis Fonsi, “Despacito”.

Foi unha xornda moi especial e emotiva, no que algúns alumnos e alumnas tiveron a oportunidade de pasar un anaco cos avos/avoas/bisavós/bisavoas e cos seus compañeiros/as da “escola de maiores” como lle chaman eles.

Gustounos tanto a experiencia, que estamos decididos/as a volver no vindeiro curso.

Ata pronto!

Premede para ver algunhas imaxes da xornada

Preme na imaxe para ver o vídeo da canción “Amodiño”

Anuncios

Xornada na praia da Lanzada

Como cada ano a final de curso e iniciándonos xa en actividades propias do verán, realizamos unha saída á praia da Lanzada. O verán é tempo de praia, xogos ao aire libre e deporte.

Con esta actividade preténdese que os nenos e nenas descubran e valoren o espacio natural da contorna, gocen co deporte e aprendan a alimentarse de maneira equilibrada.

Para iso o plan para este día tan especial foi o seguinte:

1. Roteiro ata a praia da Lanzada en bicicleta (2º e 3º ciclo) e andando (1º ciclo)

2. Participar no proceso de elaboración dun menú saudable. Este ano foi o seguinte: de primeiro ensalada de garabanzos, de segundo “guiso de Carmen” e de postre, iogur con amorodos. As nenas e nenos colaboraron cortando leituga, debullando chícharos, poñendo a mesa…e por suposto axudando a recoller ao finalizar o xantar.

3. Participar nos xogos na praia como carreira de sacos, a corda…

4. Merendamos froita fresca.

5. Tempo para o baño.

6. Xantar.

7. Tempo libre.

PASÁMOLO MOI BEN!

Preme na imaxe para ver as fotos.

Saída ao Parque Natural O Invernadeiro

As nenas e nenos de 5º pasaron uns días de excursión nun entorno natural montañoso situado na provincia de Ourense, entre os ríos Ribeira Grande e Ribeira Pequena.

A pesar do mal tempo, pasaron uns días inesquecíbles nos que a convivencia e a diversión foron os protagonistas.

Premede na seguinte imaxe para ver unha selección de fotos.

XA TEMOS LOGOTIPO!!!

Xa temos  logotipo para a exposición de niños do profe Hermida!!!

Moitas grazas a todas as familias que participaron no concurso.

Despois dunha reñida votación,  xa que había traballos moi bonitos, o elixido foi o de Úrsula Bea de 4 anos A.

Este logotipo representará á exposición de niños en calquera actividade que fagamos.

A día de hoxe xa é portada da programación interactiva multimedia que estamos desenvolvendo durante este curso dentro dun Proxecto de formación en centros e que pronto presentaremos para que toda a Comunidade Educativa poda disfrutar dela.

Aquí vos deixo unha pequena mostra.

UNHA VISITA MOI DIVERTIDA!

Brais, de 4 anos B, e a súa familia convidáronnos aos nenos e nenas de infantil á sua casa. Alí puidemos axudar a recollelo millo e tamén vimos moitas máquinas que nos amosou o seu papá. Moitas grazas por ofrecernos a oportunidade de realizar esta visita. Pasámolo todos xenial!

DRAGOEIRA

Revista escolar do curso 2010-2011

UN DÍA NA LANZADA

Como os derradeiros anos este mes pasamos unha día na Lanzada.

Os alumnos de 2º e 3º ciclos de primaria fixeron o percorrido en bicicleta e os nenos de infantil e de 1º ciclo desprazáronse en autobús.

Unha vez alí todos fixeron xogos na praia e participaron da elaboración do menú que logo degustariamos.

Coma sempre, contamos coa colaboración da ANPA do centro para poder levar a cabo esta actividade.

Despois de comer un menú moi saudable houbo tempo para xogar, bailar e investigar o entorno.

Rematada a xornada todos de volta ao colexio.

 

se queres ver como o pasamos clica no texto