Xornada na praia da Lanzada

Como cada ano a final de curso e iniciándonos xa en actividades propias do verán, realizamos unha saída á praia da Lanzada. O verán é tempo de praia, xogos ao aire libre e deporte.

Con esta actividade preténdese que os nenos e nenas descubran e valoren o espacio natural da contorna, gocen co deporte e aprendan a alimentarse de maneira equilibrada.

Para iso o plan para este día tan especial foi o seguinte:

1. Roteiro ata a praia da Lanzada en bicicleta (2º e 3º ciclo) e andando (1º ciclo)

2. Participar no proceso de elaboración dun menú saudable. Este ano foi o seguinte: de primeiro ensalada de garabanzos, de segundo “guiso de Carmen” e de postre, iogur con amorodos. As nenas e nenos colaboraron cortando leituga, debullando chícharos, poñendo a mesa…e por suposto axudando a recoller ao finalizar o xantar.

3. Participar nos xogos na praia como carreira de sacos, a corda…

4. Merendamos froita fresca.

5. Tempo para o baño.

6. Xantar.

7. Tempo libre.

PASÁMOLO MOI BEN!

Preme na imaxe para ver as fotos.

Alimentación saudable

Neste terceiro trimestre afondaremos na importancia de alimentarnos axeitadamente.

Levar unha dieta equilibrada é fundamental para medrar san e ter a enerxía necesaria para facer o que máis nos guste durante todo o día.

PONLLE AS PILAS AO TEU BOCATA

Con esta actividade descubrimos unha gran variedade de alimentos que teñen a súa orixe no mar e que podemos sumar aos ingredientes para elaborar os nosos bocatas para levar ao cole, excursións, ao parque…

Picade na imaxe para entrar na páxina web e seguir aprendendo

FROITA FRESCA PARA MERENDAR

Xa sabemos que as froitas e verduras non poden faltar nunha dieta equilibrada.

As nenas e nenos de 6º repartiron froita fresca (plátano e mazá) para repoñer forzas a media mañá.

PARTIDO DO OBRADOIRO

Alumnos de 4º, 5º e 6º de Primaria asistiron o pasado sábado ao partido celebrado en Santiago de Compostela na cancha do Clube de Baloncesto Obradoiro.

O primeiro que viron ao chegar foron os seus debuxos expostos no chan da entrada do pabillón e a verdade é que lucían moito. Logo subiron ás gradas e alí puideron disfrutar do partido, que, por suposto, gañou o equipo de Santiago.

Foi toda unha experiencia!!!