Hoxe cumprimos coa tradición e elaboramos os MAIOS no colexio. Dende primeira hora da mañá puxémonos mans á obra enfiando pampullos, ovos e laranxas e cubrindo de verde o armazón do maio. Para rematar, o alumnado de 6º interpretou as coplas que previamente elaboramos entre todos os cursos.
Desfrutamos moito do día pois foi unha actividade na que participamos toda a comunidade educativa cun obxectivo común: a elaboración do noso maio.
A primavera xa está aquí!
Aquí están as fotos da nova xornada deportiva XOGADE!
Alumnado de 5ºA na súa visita ao CEIP PORTONOVO.
O alumnado de 5ºB recibiu ao CEIP San Bartolomeu de Tremoedo pero, debido ás inclemencias meteorolóxicas, a xornada tivo lugar no pavillón de Baltar.
Alumnado de 3ºA na súa visita ao CEIP de PORTONOVO.
Alumnado de 3ºB na súa visita ao CEIP San Roque de Corón.
Os nenos e nenas de Infantil fomos mercar unhas plantas de legumes e froitas.
Plantamos, regamos e espéranos unha colleita xenial!
Foi moi divertido!
Como parte do noso proxecto “Un cole de película” non podía faltar a visita ao cine. Nesta ocasión o colexio ao completo desprazouse ata Vilagarcía para ver a nova película de Dumbo dirixida por Tim Burton e tamén para coñecer como funciona a proxección de películas nunha sala de cine.
Para algúns era a primeira vez que ían ao cine, outros emocionáronse coa película e todos e todas desfrutamos moito no que, seguramente, foi un dos momentos do curso.
Novas vivencias e coñecementos relacionados co sétimo arte!
Aquí deixamos unhas fotos que falan por si soas.
Hoxe as nenas e nenos de 1º e 2º aprendemos da man dos Bolechas o significado do movemento RAEE: residuos de aparellos eléctricos e electrónicos.
Agora formamos parte do equipo dos Electrecos e temos unha misión: reducir e reciclar os residuos de aparellos eléctricos ou electrónicos!
Rematamos a actividade facendo un rap para non esquecer o que aprendemos!
O pasado venres 29 de marzo un dos escritores elixidos este ano para os clubs de lectura, Fernando Cimadevila, fíxonos unha visita. Explicou moitos aspectos do seu libro “O mundo secreto de Basilius Hoffman: O ladrón de soños” e as nosas alumnas e alumnos fixéronlle moitas preguntas. Tamén o agasallaron cun precioso ramo e doces feitos por elas e eles na casa coa axuda de pais, nais, avoas e avós, aos que dende aquí lle queremos dar as grazas.
GRAZAS POR VIR!
Tamén deixamos varios vídeos da sesión deste día:
As alumnas e alumnos de 3º e 4º tamén fomos ao teatro en Pontevedra! Pasámolo moi ben vendo «Bon Appètit», unha obra dos Ghazafellos.
CEIP PLURILINGÜE CRUCEIRO 