Lanzada 2018

Como cada ano a finais de curso disfrutamos da habitual xornada na praia da Lanzada, na que convivimos toda a comunidade educativa.

Con esta actividade, ademais de pasalo xenial, adquirimos hábitos de vida saudable a través da práctica de deporte e da participación na elaboración dun menú saudable.

Este ano o menú foi o seguinte:

1º Menestra de verduras

2º Polo asado con pasta

Postre: macedonia de froitas

 

Se premedes na imaxe podedes ver algunhas fotos do día.

Moitas gracias ás familias pola súa colaboración.

Anuncios

FOTO-POEMAS

Xa temos gañador do concurso exposición “Foto Poemas”:

ROI BUEZAS MEIS (5 anos A).

 

MIRANDO AO MAR

ESCOITANDO AS ONDAS

NA PRAIA DA LANZADA.

ESTA PRAIA DO SALNÉS

TEN A XENTE NAMORADA

 

Noraboa!

 

PREMIOS MESTRE HERMIDA

XXVI CERTAME ESCOLAR-CULTURAL

“OS PICARIÑOS” 2018

Nos Premios Mestre Hermida 2018 na modalidade de poesía as alumnas do noso colexio Alba Domínguez Soutullo co poema “O paxaro, o peixiño, o coelliño e o meniño” e Rocío Fandiño Lázaro co poema “Quixera ser…” acadaron o primeiro e o terceiro premio do certame.

Os nosos parabéns!

SEMANA DAS LETRAS GALEGAS

Como cada ano desde 1963 celébrase o Día das Letras Galegas co obxectivo de homenaxear a aquelas persoas que destacaron pola defensa da lingua galega e da nosa cultura.

Este 17 de maio estivo adicado a María Victoria Moreno.

María Victoria Moreno foi unha escritora  moi ligada á nosa zona, pois exerceu como mestra no instituto de Vilalonga.

Os nenos e nenas do Cruceiro ademais de investigar e ler obras da homenaxeada, realizaron algúns traballiños que expuxeron nun mural.

Por outra banda, durante todo este trimestre, o equipo de biblioteca, coa axuda do voluntariado preparou un recanto adicado ao teatro, coa intenció de que o alumnado tivese recursos para poder preparar unha obra e represetala nesta Semana das Letras Galegas.

Voluntaria decorando o espazo adicado ao teatro e alumnado de primeiro ensaiado a súa obra na biblioteca.

Durante toda a semana represetáronse as seguintes obras de teatro:

• “Somos felices piratas” (1ºA) e “Sopa verde” (1ºB)

• “Os tres porquiños” (2º A) e “A que sabe a lúa” (2ºB)

• “A árbore que non tiña follas” (3º)

• “Todo é un conto” (4º)

• “Mamasiña que medo” (5º)

• “Restaurante Farruco” (6º)

OLIMPÍADAS MATEMÁTICAS

No ano 2000 decidiuse declarar o día 12 de Maio como o “Día Escolar das Matemáticas”, por iso a semana pasada celebramos no colexio as primeiras “Olimpíadas Matemáticas” con gran exito de participación.

O alumnado que quería participar fixo unha inscrición e quedou encadrado nunha das tres categorías existentes:

– Primeira categoría: 3 anos, 4 anos, 5 anos e primeiro.

– Segunda categoría: segundo e terceiro.

– Terceira categoría: cuarto, quinto e sexto.

 Os participantes tiveron que enfrentarse a diferentes retos que superaron con gran destreza. Había grandes expectativas sobre como serían as probas e descubriron que as matemáticas poden ser moi divertidas, xa que todos gozaron con esta experiencia.

Os nenos e nenas que pasaron á gran final, non só demostraron as súas habilidades lóxico-matemáticas senón que tamén souberon traballar en equipo.

Os gañadores/as das diferentes categorías foron:

PRIMEIRA CATEGORÍA

Alejandra (3 anos), Sofía Rodríguez (4 anos), Lucía Varela (5 anos), Marta (5 anos), Xavi (5 anos), Ainhoa (1º), Iván (1º) e Unai (1º).

SEGUNDA CATEGORÍA

Sergio (2º), Melania (2º), Diego (3º), Xeyla (3º), Luis (3º) e Lucía (3º).

TERCEIRA CATEGORÍA

Yago (4º), Dani (4º), Pedro (5º), Carmelo (5º) e Laura (6º).

Estes tres equipos chegaron á gran final onde tiñan que resolver unhas operacións nas que había números agochados no menor tempo posible.

Conseguírono os nenos e nenas da I Categoría e levaron como agasallo un xogo de inxenio.

Que o disfrutedes e a seguir divertíndovos coas matemáticas!

NORABOA!

Se queredes ver as fotos non deixedes de ver o vídeo premendo na imaxe superior.