AS LAGOAS DE ROUXIQUE

O alumnado de Infantil pasou unha mañá fantástica coñecendo esta paraxe que temos tan preto do cole.

Tivemos moita sorte co tempo, o que nos permitiu desfrutar ao máximo da saída.

Como xa estiveramos a investigar sobre a flora e a fauna desta contorna, fomos moi pendentes todo o camiño e puidemos ver parrulos, cardo mariño, toxo, algas…

De seguro que repetiremos outro día para poder volver gozar das marabillas da nosa contorna natural.

(Premede na imaxe para ver o vídeo coas fotos da xornada.)

 

“AOS PARENTES, ENSÍNALLES OS DENTES”

Os nenos e nenas de 5 anos fixeron unha visita ao Centro de Saúde de Vilalonga. Alí estábaos esperando José Luis , o odontólogo, que, moi amablemente, explicoulles e ensinoulles todos os segredos da súa profesión.

Aprenderon o nome dunha chea de instrumentos, revisaron os dentes dos compañeiros e compañeiras e , importantísimo, explicáronlles como cepillar adecuadamente a dentadura.

 

Pero non só o alumnado de Infantil puido recibir de primeira man esta información tan valiosa para a nosa saúde.  Tamén os nenos e nenas de Primeiro, Segundo, Terceiro e Cuarto , neste caso no propio cole, recibiron a visita de José Luis acompañado ese día por Belén, a hixienista dental.

 

 

Moitas grazas a José Luis, Belén e a todo o persoal do Centro de Saúde!!

 

Viva México!

As nenas e nenos de 3 anos estivemos coas mans na masa estes últimos días. Continuando co proxecto da artista mexicana Frida Kahlo, tivemos a visita dunha mamá coa que descubrimos que o cacao é un producto típico de México. Fixemos uns riquísimos bombóns de chocolate branco e negro e escribimos o noso nome con chocolate.

Que divertido! Moitísimas gracias Seila.

Ademais probamos a facer unha comida típica: guacamole con nachos. Estaba boísimo!

Ciruxián/ciruxiá por un día

Hoxe os nenos e nenas de 5 anos recibimos a visita da avoa de Raúl (5 anos B) que traballa como enfermeira no Hospital de Montecelo e o seu compañeiro Raimundo que é ciruxián.

Aprendemos moitas cousas: os símbolos relacionados coa medicina (Cruz Vermella, Hospital, Farmacia), os instrumentos (xeringas, otoscopio, monitor…) e indumentaria que usan no seu traballo (gorros, batas, luvas, calzas, mascarillas…), vimos algunhas radiografías e tamén observamos como é un quirófano.

Como podedes ver, nós tamén quixemos ser ciruxiáns e ciruxianas por un día e preparámonos como é o debido.

Moitas gracias por axudarnos a aprender dunha maneira práctica e divertida!

 

 

LEMBRANDO ÁS PIONEIRAS

Hoxe, para rematar coas actividades e actos relacionados co Día da Muller, celebramos no Cruceiro a nosa I Maratón. Lembramos, deste xeito, á primeira muller que correu unha maratón con dorsal , Kathrine Switzer. Fíxoo na de Boston de 1967 e, aínda que intentaron detela durante a carreira, logrou chegar á meta despois de 4 horas e 20 minutos.

Despois de saír a correr cos nosos dorsais do número 261 (o mesmo que levou Kathrine), xuntámonos no ximnasio para ver o vídeo no que os nenos e nenas de todas as clases nos falaron sobre as destacadas e importantes mulleres que estiveron a investigar estes últimos días (podedes velo na entrada anterior do blog).

 

Preme na imaxe para ver o vídeo da maratón.

8 MARZO: DÍA INTERNACIONAL DA MULLER

Mestras, labregas, xornalistas, mariñeiras, deportistas, científicas…

De sempre, as mulleres enchen o mundo. Sen elas, todo se detén.

Hoxe, 8 de marzo, volvemos a lembrar isto porque, infelizmente, segue sendo preciso este día para amosar que aínda queda moito por avanzar en igualdade e equiparación de dereitos.

Houbo grandes mulleres que abriron camiños ata entón reservados a homes, como nos mostran os nenos e nenas neste vídeo, pero que non quede dúbida (e á vista está) que cómpre seguir loitando para erradicar as incompresibles inxustizas ás que se ten que enfrontar a muller aínda a día de hoxe.

Palabra a palabra, sorriso a sorriso, e paso a paso… adiante cara un mundo libre de machismo!

 

 

O Cruceiro opina

Seguimos opinando. Desta volta sobre a paz e non violencia.

Que opinan os nenos e as nenas?