Alumnos, alumnas, profes, familias, veciños e veciñas:
estes vindeiros xoves 26 e venres 27 de febreiro terá lugar a I Feira Medieval do
Ceip Cruceiro de Vilalonga:
XOVES 26
9,30 h. :
Pregón anunciando o comezo da Feira cargo dos nenos e nenas de 4º.
10.00h. :
Tear Cruceiro (nenos e nenas de 3º)
Venda de instrumentos (nenos e nenas de 1º)
10,30h. :
Xogos de mesa (nenos e nenas de 4 anos)
Obradoiro de abalorios (nenos e nenas de 3 anos)
11.00 h. :
Venda de pan (nenos e nenas de 2º)
Obradoiro e venda de figuras de barro (nenos e nenas de 5 anos)
Venda de instrumentos (nenos e nenas de 2º)
11,30h. :
Obradoiro de elaboración de xabón (nenos e nenas de 5º)
Venda de infusións (nenos e nenas de 1º)
Recreo
12,30h.:
Concerto medieval.
VENRES 27
10.00 h. :
Exhibición de tiro con arco.
10,15 h. :
Tiro con arco para Ed. Infantil
Circuíto de xogos medievais (1º ciclo)
11.00 h. :
Tiro con arco para 1º ciclo
Circuíto de xogos medievais (Infantil)
Recreo
11,45 h. :
Tiro con arco para 2º ciclo
Circuíto de xogos medievais (3º ciclo)
12,30 h. :
Tiro con arco para 3º ciclo
Circuíto de xogos medievais (2º ciclo)
Pregón de peche.
Acudide! Estarán os pregoeiros, as oleiras, estarán os panadeiros e as menciñeiras. Estarán os teceláns, os músicos e as artesás! Arqueiros, xaboeiras, tafures!
Xa chega a festa máis subversiva do ano. No Entroido case todo vale. É tempo de risas e mofas e, como non, de grandes comilonas: cocido, orellas, filloas…
O noso Entroido, o galego, é unha celebración de longa tradición. Actualmente, oito carnavais da terra están cualificados como Festa de Interese Turístico.
Aquí tendes algunha ligazón para vos informar sobre os nosos personaxes entroideiros máis coñecidos.
MALALA YOUSAFZAI naceu en Pakistán hai 17 anos. O ano pasado, gañou o Premio Nobel da Paz pola súa defensa dos dereitos das nenas e as mulleres á educación.
Este ano, queremos dedicarlle este día da paz a Malala, e construímos este manifesto enlazando as frases escritas por cada clase do colexio cos nosos lapis de paz:
“Malala representa a importancia da educación. A educación é necesaria para os nenos e as nenas. É necesaria para o mundo e para a liberdade. O que fixo Malala é moi importante porque, aparte dun neno, un profesor, un libro e un bolígrafo, todos nos podemos cambiar o mundo, porque a educación é a menos cara das defensas dunha nación. Por iso, este día da Paz dedicámosllo a ti, Malala.
Como imaxinar que o maior medo dos talibáns resultou ser unha rapaza de 14 anos armada cos seus libros!
Por querer aprender, quixéronme reprender,
Por querer vivir distinto a ti, palizas recibín,
Por querer falar, quixéronme golpear,
E agora, por querer saber ler e escribir,
Os talibáns, a balazos, quixéronnos destruír.
Os nenos de 1º queremos que todas as nenas do mundo teñan lapis porque así poden escribir moitas cousas bonitas aos seus amigos, aprender a escribir como Miguel de Cervantes, debuxar cousas da nosa imaxinación, escribir en moitos idiomas, e tamén escribirlle a Malala para animala a que siga loitando pola escola e o mundo sexa un pouco máis feliz.
Porque se se quere acabar a guerra con outra guerra, nunca se alcanzará a paz. O diñeiro gastado en tanques, en armas e soldados, débese gastar en libros, lapis, escolas e profesores.
Sabemos que a educación é a única solución, é o primeiro. Os nosos libros e lapis son as nosas armas máis poderosas.
E na escola aprendemos, como os nenos de 3 anos, que para que exista a paz non podemos pelexar nin berrar. Seremos amigos e darémonos bicos e abrazos, porque a paz é dar máis bicos e pelexar menos.
Gustaríanos que o resto das nenas e nenos do mundo viviran en paz, tiveran escolas para estudar, comida e auga, e foran moi, moi felices.
E sabemos que temos moita sorte de vir á escola, porque podemos xogar, rir, aprender, falar, pensar, imaxinar, escribir, debuxar, participar, ler e crecer. E se as armas de Malala son un neno, unha profe, un lapis e un libro, as dos nenos de 5 anos son xogar xuntos, traballar en equipo, coidar aos amigos, pintar con cores, aprender, estudar matemáticas, coñecer xente como Malala que fai ser valente, facer festas cos primos, ser bos cos amigos, darse apertas e bicos, coidar aos animais, compartir xoguetes, acariñar aos gatos e comprar galletas para os pobres co meu diñeiro.
E as nenas e os nenos de 4º sentimos que:
A paz sabe a torta da miña avoa.
A paz ule a colonia do meu pai.
A paz soa como unha guitarra tocando unha nana.
A paz vese como un mundo feliz, convivencia e igualdade, e sobre todo amizade.
A paz a sinto cando saio a pasear e hai unha brisa de verán.
A paz a sinto cando estou contenta, sabe a simpatía, soa a silencio, ule a aire puro, vese coma liberdade, a paz é algo marabilloso.
